സമൂഹസേവനത്തിന്റെ വെളിച്ചത്തിൽ പിറന്ന ഒരു പ്രസ്ഥാനമാണ് കുറ്റിപ്പുറം കെ.എം.സി.സി. 2015-ൽ ആരംഭിച്ച ഈ യാത്ര പ്രവാസികളുടെ സ്വപ്നങ്ങൾക്കും നാട്ടിലെ സമൂഹത്തിന്റെ ആവശ്യങ്ങൾക്കും ഒരുപോലെ പ്രചോദനമായിരിക്കുന്നു.
പ്രവാസി ജീവിതത്തിന്റെ വേദനകളും പ്രതീക്ഷകളും പങ്കുവെച്ച് മനുഷ്യസ്നേഹത്തിന്റെ പാതയിൽ ഒരിക്കലും മങ്ങിയിട്ടില്ലാത്ത സേവനതിളക്കം തീർത്തതാണ് ഈ പത്തു വർഷം. ദുരിതാശ്വാസ പ്രവർത്തനങ്ങളിൽ നിന്ന് വിദ്യാഭ്യാസ സഹായം വരെ ആരോഗ്യ ക്യാമ്പുകൾ മുതൽ പരിസ്ഥിതി സംരക്ഷണം വരെ കുറ്റിപ്പുറം കെ.എം.സി.സി.യുടെ ചുവടുകൾ ജനഹൃദയങ്ങളിൽ ആഴത്തിൽ പതിഞ്ഞിരിക്കുന്നു.
മത രാഷ്ട്രീയ ഭേദമന്യേ എല്ലാവരെയും ഉൾക്കൊണ്ട് മുന്നേറുന്ന ഈ സംഘടന "സേവനം നമ്മുടെ സംസ്കാരം" എന്ന മുദ്രാവാക്യം യാഥാർത്ഥ്യമായി തീർത്തിരിക്കുന്നു. പ്രവാസികളുടെ ആത്മവിശ്വാസവും നാട്ടിലെ ഐക്യത്തിന്റെ പ്രതീകവും ആയി കുറ്റിപ്പുറം കെ.എം.സി.സി.യുടെ ഈ യാത്ര അഭിമാനപൂർവ്വം മുന്നോട്ട് കടന്നു പോകുന്നു.
സേവനത്തിൻറെ പാതയിൽ ഉറച്ച പാദങ്ങളോടെ
സമൂഹത്തിന്റെ കരങ്ങൾ ചേർത്ത് ഭാവിയിലേക്കൊരു പ്രതീക്ഷയാത്ര...